ලක්දිව ඉපැරණි තාක්ෂණික ඥානය
පුරාණ ශී‍්‍ර ලංකාවේ තාක්ෂණික ඥානයේ මහිමය මෙතෙකැයි කියා කිව නොහැකි ය. ඒ අතර එක් සන්ධිස්ථානයක් ලෙස වාරි කර්මාන්ත හඳුන්වා දිය හැකි ය. අතීතයේ ලාංකිකයන්ගේ අතැගිලිවලින්, දහඩිය මහන්සියෙන් ගොඩ නැගුණු වාරි ශිෂ්ටාචාරය තුළ මුළු මහත් ජලාශ‍්‍රිත ශිෂ්ටාචාරයම උපත ලැබී ය. ශී‍්‍ර ලංකාව සහලින් ස්වයංපෝෂිත රටක් බවට පත් වූයේ එම පන්නරය නිසාවෙනි.එකල මුතුන්මිත්තන් යොදා ගත් තාක්ෂණික ඥානයෙහි වාස්තවිත බව කෙතරම්ද යන්න පැවසීමට බස අසරණ ය. ඒවා එතරම්ම ආස්වාදනීය බවින් යුක්ත ය. නිදසුන් වශයෙන් සැතපුමකට අඟලක බැස්ම ඇති ඇළවල් ඔවුන්ගේ දහඩිය බිඳු වලින් ඉදි වුණ දේවල් ය. එමගින් ජගය රාශිකරණය කර ඔවුන් එදා කෘෂිකර්මාන්තයෙන් රට ස්වයංපෝෂිත කිරීමට දායක විය. එකල රජරට හැදින්වූයේ වැව් බැඳි රාජ්‍ය නමින් ය. ඒ තරමටම ලක්දිව වාරි කර්මාන්ත දියුණුවේ හිනිපෙත්තටම ගමන් කර තිබුණි. වැසි ජලය එක් කර කෘෂි ආර්ථිකයක මින්ස්සු වශයෙන් සෑහෙන වෙහෙසක් තුළින් වැව් අමුණු තනමින් එකල මිනිසුන් ජලය ඒකරාශී කර ගත් හ. එදා ඒ ඉදිකළ වැව් අමුණුවල තාක්ෂණය අද විද්‍යාඥයන් පවා මවිතයට පත් කරන සුලු ය.
නිදසුන් : මින්නේරිය, යෝධ ඇළ, ජය ගඟ
නිදසුන් : මින්නේරිය, යෝධ ඇළ, ජය ගඟ
පුරාණ ශී‍්‍ර ලංකකාවේ තාක්ෂණික ඥානය පිළිබඳ සැලකීමේ දී කලා ශිල්ප ද වැදගත් වේ. කලා ශිල්ප බද්ධ වන්නේ සංසකෘතියත් සමඟයි. ප‍්‍රතිමා, මූර්ති, වාස්තු විද්‍යාත්මක නිර්මාණ, චිත‍්‍ර ආදිය දෙස බැලීමේ දී එකල තාක්ෂණයේ මහිමය විශද වේ. එතරම්ම එදා පැවති තාක්ෂණය උත්කෘෂ්ට ය.මෙහිදී කැටයම් සහ ප‍්‍රතිමා ද වැදගත් ය.
නිදසුන් :
අවුකන පිළිමය, සමාධි බුදු පිළිමය, සීගිරි බිතු සිතුවම්, ඉසුරුමුණි පෙම් යුවල, පොළොන්නරු ගල් විහාරය, ලෝවා මහා ප‍්‍රාසාද නටඹුන්
වාස්තු විද්‍යාත්මක නිර්මාණ පිළිබඳ සැලකීමේ දී පුරාණ හ‍්‍රී ලංකාවේ තාක්ෂණික ඥානය අමුතු ම මුහුණුවරකින් එහි පවත්නා අනර්ඝත්වය වර්ණනා කරයි. නිදසුන් වශයෙන් චෛත්‍යයන්ද, ලෝහ පිළිම, රත‍්‍රං පිළිම ආදිය දැක්විය හැකිය.එසේම චිත‍්‍ර ද තාක්ෂණික ඥානයෙහි අනර්ඝත්වයට සාක්ෂි දෙයි.
නිදසුන් :
සීගිරි චිත‍්‍රවලට දැනට අවුරුදු දහස් ගණනක් ගත වුව ද ඒවායේ ආලේපිත වර්ණවල උත්කෘෂ්ට බව
මේ අයුරින් පැරණි ලක්දිව තාක්ෂණික ඥානයේ අනර්ගත්වය සනාථ කිරීමට අදටත් සාක්ෂි පවතී.
- මුතූ ඩිලානි -
good job.....
ReplyDeletelonkaw tmi lokayenm diyunu rat
ReplyDelete