උත්පලවර්ණ විෂ්ණු මහා දේවාලය

                               

පැහැසරණිය මිණි පැමිණිය          කොත් අගට

බ`ද කිකිණිය දද ගිහිණිය          විමන් වට

නොව පැරණිය වන රමණිය     විටින් විට

සැලළිහිණිය වදු කැලණිය                  පුරවරට

          අමාමෑණී සම්මා සම්බුදු රජාණන් වහන්සේගේ ශ‍්‍රී පාද ස්පර්ශයෙන් පාරිශුද්ධත්වයට පත්වූ කැලණිය පුරවරය ඓතිහාසික රම්‍ය නගරයක් ලෙස සුප‍්‍රකටය. ඒ බව සැලලිහිණි සංදේශයේ මොනවට කියා පායි. කල්‍යාන නදියෙන් ගලා හැලෙන ජල ධාරා සේ කැලණි පුරවරය සැදැහැවතුන්ගෙන් පිරී ඉතිරී යන නගරයක් ලෙස ද සුවිශේෂී තැනක් ගනී. මෙකී ඓතිහාසික පුරවරය තුළ ප‍්‍රකට මෙන්ම අප‍්‍රකට සිද්ධස්ථාන රාශියක් දැක ගැනීමට පිළිවන. උත්පලවර්ණ විෂ්ණු මහා දේවාලය ඉන් එකකි.

            කොළඹ නුවර මහා මාර්ගයේ කැලණිය, ටයර් හංදිය හා තොරණ හංදිය අතර පිහිටි බුළුගහ හංදියේ මෙම උත්පලවර්ණ විෂ්ණු මහා දේවාලය පිහිටා ඇත. සියවස් ගණනාවක දීර්ඝ ඉතිහාසයක් ඇති මෙකී දේවාලය රාමායනය දක්වා දිවෙන බව කියැවේ. දකුණු ඉන්දියාවේ තිරිච්චි නගරයේ කාවේරි ගංගාව අසබඩ පිහිටි ශී‍්‍ර රංගම් කෝවිලෙහි විෂ්ණු දේව ප‍්‍රතිමාව මෙරටට අහිමි වූයේ කැලණිය අධිපති විභීෂණ දෙවියන්ගෙන් සිදු වූ අත්වැරදීමක් නිසාවෙනි. නමුත් එම දේව ප‍්‍රතිමාව ශී‍්‍ර ලංකාව දෙස බලා පිහිටුවා තිබූ ඉරියව්ව නිසා ලංකාවට අසුභ කාලයක් උදා නොවුණි. එහෙත් 1977 දී දකුණූ ඉන්දීය මහ ඇමති එම්. ජී. රාමචන්ද්‍රන් ලංකාවට විණ කරන අදහසින් ශී‍්‍ර රංගම් කෝවිලේ දකුණු දොරටුව වසා දමන ලදී. එම දොරටුව වැසීමත් සම`ග විෂ්ණු මහා දෙවියන්ගෙන් අප රටට තිබූ ආශිර්වාදය, ඇල්ම බැල්ම අහිමි විය. එනිසා ශ‍්‍රී ලංකාව තුළ කලින් කල විවිධ ව්‍යසනයන් උද්ගත විය. එහි ප‍්‍රතිඵලයක් වශයෙන් ආර්ථික, සමාජීය, සංස්කෘතිකමය වශයෙන් ලංකාව අ`දුරු ආගාදයකට තල්ලූ විය. රට තුළ උද්ගත වූ මෙකී තත්ත්වයන් සමනය කිරීමට සහ විෂ්ණු දේව බැල්ම රට තුළ නැවත ස්ථාපනය කිරීමට අවශ්‍යව තිබුණි. එබැවින් 2009 ජනවාරි 12 දින එවකට හිටපු ජනාධිපතිවරයාගේ අනුදැනුමෙන් ආචාර්ය මර්වින් සිල්වා මහතාගේ මූලිකත්වයෙන් හාස්කම් වලින් හෙබි උත්පලවර්ණ විෂ්ණු මහා දේවාලය ඉදි විණි. 

            අද වන විට නන් දෙසින් පැමිණෙන බැතිමතුන්ගේ වන්දනාවට පාත‍්‍ර වන ස්ථානයක් ලෙස මෙම දේවාලය හැ`දින්වීමට පිළිවන. බුළුගහ හංදියත්, මහා මාර්ගයත් දේවාලයත් යා කෙරෙනුයේ මනස්කාන්ත තොරණකිනි. දකුණු ඉන්දීය කලා සම්ප‍්‍රදායන්ගෙන් මෙම තොරණ නිර්මාණය කර ඇත. දේවාලය ඉදිරිපිට ඇති නෙළුම් මලින් ගහණ වූ කුඩා විල් තෙර හරහා හමා එන සුළ`ග සැදැහැවතුන්ගේ ගතට සිතට සිසිලසක් එක් කරයි. ඉදිරිපස තොරණින් පිවිසීමත් සම`ග දැක ගත හැකි වන්නේ දැවැන්ත බුද්ධ ප‍්‍රතිමා වහන්සේය. ඓතිහාසික කැලණි පුරවරයේ බෞද්ධාගමික හැඩරුව මෙයින් මනාව පිළිඹිබු කරවයි. බුද්ධ ප‍්‍රතිමා වහන්සේ සමීපයෙහි ගල් කුලූණු කීපයක් දැක ගැනීමට පිළිවන. 

            

           දේවාලය, වේදිකා දෙකකින් සමන්විතය. ඒ ඉහළ මාලය හා පහත මාලය වශයෙනි. විෂ්ණු මහා දෙවියන් වැඩ සිටින්නේ ඉහළ මාලය තුළ පිහිටි දේවාල ගෘහය තුළය. මෙම දේවාල ගෘහයට පිවිසෙන්නේ කොරවක් ගල් සහිත පියගැටපෙළකිනි. විෂ්ණු මහා දෙවියන් වැඩ සිටින දේවාල ගෘහයේ කැටයම් දකුණු ඉන්දීය කලා සම්ප‍්‍රදායන්ගෙන් සුසැ`දිය. මහබලිපුරම්හි කලා ගුරු මහාචාර්ය ලෝගනාදන් සූරීන් සහ ගෝපාල් සාමි සෝම සාමි වැනි ජගත් කීර්තියට පත් ගල් පිළිම නෙලන්නන් දේවාලයේ අලංකෘත කැටයම් පිළිම නිර්මාණය කර ඇත. විෂ්ණු දෙවියන්ගේ වාහනය යැයි සැලකෙන ගුරුලා පක්ෂියා සෑම වසරකම දෙසැම්බර් මස එම විෂ්ණු දේව ප‍්‍රතිමාව කරා පියාඹා එයි. එම`ගින් විෂ්ණු දේවියන්ගේ ආශිර්වාදය මෙම දේවාලය සතු වන බව පැහැදිලි කරවයි.

        නව ග‍්‍රහ අපල වලට අධිගෘහිත දෙවියන් ලෙස සැලකෙන්නේද විෂ්ණු දෙවියන්ය. එනිසා අපල උපද්‍රව සමනය කර ගැනීමේ අදිටනින් නව ග‍්‍රහ වෘක්ෂයන් මෙන්ම නව ග‍්‍රහ දේවාලයද ස්ථාපනය කර ඇත. යම් නව ග‍්‍රහ අපලයක් ඇති පුද්ගලයෙකු එම අපලයට අදාළ වෘක්ෂයට පැදකුණු කිරීමෙන් හා වන්දනාමාන කිරීමෙන් අපල දුරු කර ගැනීමට හැකිවන බව විශ්වාසය වේ. 

      අලූයම 5.45 ට දේවාලය විවෘත කරනු ලැබේ. පෙ. ව. 8.00 සිට 9.00 දක්වා අභිෂේක පූජාව පවත්වනු ලබයි. උදෑසන 9.00 ට මුරුතැන් පූජාව පැවැත්වීම සිරිතය. දහවල් 11.30ට මහා පූජාව පවත්වා දේවාලය වසා දමන අතර නැවත විවෘත කරන්නේ ප.ව. 5.00 ටය. ප.ව. 5.30ට සිදු කරන්නේ සවස මහා පූජාවයි. දිනයේ කාර්යයන් අවසන් කරමින් රාත‍්‍රී 8.00ට කිරි පූජාවෙන් පසු දේවාලය වසා දමනු ලබයි.

   උත්පලවර්ණ මහා විෂ්ණු දේවාලයෙහි පරිපාලන කටයුතු සිදු කරනු ලබන්නේ දේවාල භූමියේ ඇති කාර්යාලය ම`ගිනි. එහි වත්මන් කළමනාකරු වන මධූෂ සිතාර ජයසිංහ මහතා විසින් පරිපාලන කටයුතු මෙහෙයවනු ලබයි. විදුලි බිල්, දුරකථන බිල්, ජල බිල්, සේවක වැටුප් ඇතුලූ පරිපාලනමය කටයුතු රැුසක් ඒ මහතාගේ අධීක්ෂණය යටතේ සිදුවේ. එතුමන් පවසන්නේ,

”මේ දේවාලයේ ස්වාමිතුමා මස් මාංශ අනුභවයෙන් පූර්ණ කාලීනව වැලකිලයි ඉන්නෙ. ඒ හින්දා පූජාවට සුදුසු පරිදි පේ වීම සිද්ධ වෙනවා. මේ දේවාලෙ මෙපමණ හාස්කම් සහිත එකක් වෙලා තියෙන්නෙ ඒ නිසයි. දේවාලෙට එන බැතිමතුන්ගේ ප‍්‍රාර්ථනාවන් 100% ක් ඉෂ්ට වෙන්නෙ සාමිගෙ කැපවීමත් දේව ආශිර්වාදයත් නිසා.”

         දේවාලයේ ප‍්‍රධාන කපු මහතා වන්නේ ජයතිලක බණ්ඩාර තල්ගස්පිටිය මහතාය. නඩත්තු කටයුතු බිල්පත් ගෙවීම මෙන්ම දේවාලයේ සංවර්ධන කටයුතු සිදු කරනු ලබන්නේද දේවාලයට ලැබෙන ආධාර උපකාර ම`ගිනි. වාර්ෂිකව පත්තිනි දේවාල පෙරහැරක්ද මෙම දේවාලය ම`ගින් පවත්වනු ලබයි. ඒ ස`දහා විශාල වශයෙන් අලි ඇතුන් සහ නැටුම් කණ්ඩායම්ද ඇතුලත් කර ගනී. දේවාල භූමියෙන් ආරම්භ වී තොරණ හංදියෙන් වරාගොඩ පාර හරහා ගොස් ටයර් සංස්ථාව මාර්ගය හරහා නැවත ආපසු දේවාල භූමියට පැමිණේ. පසු දින කැලණි ග`ගට ගොස් දිය කැපීමෙන් අනතුරුව පෙරහැර මංගල්‍ය අවසන් වේ. පෙරහැරට සහභාගී වන සියලූ දෙනාට දින 10ක් නිර්මාංශ ආහාර ලබා දෙනු ලැබේ. 

         අදෘශ්‍යමාන බලවේගයන් යනු මිනිසාගේ ජීවිතයේම කොටසකි. එයින් දේව ආශිර්වාදය පතා සිදු කරන පූජාවන් ප‍්‍රකටය. එදා සිට අද දක්වාම කාලානුරූපීව දේව ආශිර්වාදය පතා සිදු කරන මෙකී පූජාවන් අතර විෂ්ණු දේව වන්දනාවද ප‍්‍රකටයි. ශීී‍්‍ර ලාංකීය සමස්ත සැදැහැවත් පිංවතුන් සශී‍්‍රකත්වය, සෞභාග්‍යය පතා සිදු කරන පූජාවන් අතර උත්පලවර්ණ විෂ්ණු මහා දේවාලයෙන් ලැබෙන්නේ මහ`ගු අස්වැසිල්ලකි.

                                                                                             - මුතූ ඩිලානි -